амитаба

Мөнгөтэй үедээ буудалд, мөнгөгүй байвал гудамжинд хононо доо

no_email@coo.mn (esui) — Sun, 16 Dec 2012 03:09:00 +0800

...Олон мянган асрамжийн төвөөс

Ганц л хаяг намайг авах юм даа

Зүүдэнд ирдэг сайхан ээж минь

Зуны цагтаа хаягаас аваач дээ... гэж Нийслэлийн цагдаагийн газрын Хүүхэд хамгаалал, хаяг тогтоох төвийн хүүхдүүд дуулах аж. Тэд гэрийнхнийгээ ирээд авах болов уу гэж харна. Зарим нь “ирэхгүй дээ ирэхгүй. Биднийг хаясан” гэж ярих нь ч бий. Ингээд тус төвд олон удаа ирсэн, өөрийгөө Хавираа гэх 15 настай хүүтэй ярилцлаа.

-Ам бүл хэдүүлээ вэ?

-Манайх ам бүл долуулаа. Гурван ах, хоёр эгч, ээжтэйгээ амьдардаг. Би айлын бага.

-Гэрийнхэн нь юу хийдэг вэ?

-Гэрт очоогүй удсан болохоор сайн мэдэх...

[дэлгэрэнгүй]

Ээж нь удахгүй очно

no_email@coo.mn (esui) — Thu, 13 Dec 2012 23:11:00 +0800

Утас дугарлаа. “Хурдан гэртээ ир. Ажлаа хийхгүй хотод юу хийгээд байгаа юм” гэж утсаар ярих гурван настай охиныхоо дууг сонсоод нулимс унагав. Гэсэн ч хоолойгоо засан байж “Удахгүй очно оо” гээд утсаа салгалаа. Тэрбээр хөхний хорт хавдраар өвчилсөн учраас эмчлүүлэхээр ирсэн нь энэ. Харин түүний охин жаахан болохоор учир мэдэхгүй. Эмэгтэй ийм маягаар охинтойгоо утсаар ярьсаар бараг жил орчим болжээ. Өдөр бүр ярихдаа “Ээж нь удахгүй очно” гэхээс өөр зүйл хэлж чадахгүй байгаадаа өөрийгөө буруутгана. А.Дашханд одоо 28 настай. Гэвч ажиллаж, хөдөлмөрлөх залуу насандаа хорт хавдраас болоод ор сахихаас өөр зүйл хийхээ больж. Бүр ганц охинтойгоо уулзаж ч чадахгүй байгаа юм. Гэхдээ тэр эм тариагаа тасалдуулаагүй ээ. Амьд үлдэхийн тулд тэмцэж, өвчиндөө бууж өгөхийг хүсээгүй. Унтах болгондоо “Удахгүй охин дээрээ очно” гэж дахин дахин өөртөө хэлнэ. Өнөөдөр охиных нь төрсөн өдөр. Утас дугарлаа. “Ээжээ би дөрвөн нас хүрч байна. Та яагаад ирэхгүй байгаа юм бэ” гэж охин асуув. “Надад төрсөн өдрийн бэлэг хэрэггүй ээ. Ээжээ,...

[дэлгэрэнгүй]

Ганцхан надад ирсэн зовлон биш дээ, ямар

no_email@coo.mn (esui) — Mon, 26 Nov 2012 14:58:00 +0800

...Хогийн цэг рүү машинууд хог хаяхаар явна. Харин зарим хүмүүс идэх хоолоо олохоор алхана. Өмхийрч, ялзарсан үнэр дунд ганц үмх махны төлөө хог түүнэ. Голын хүйтэн жаварт хацраа хайруулан түүнэ. Нус, нулимс нь гоожсон багачууд ээж, аав, ахыгаа даган хог ухна. “Ээжээ
энэ болох уу” гэж бээрсэн гараараа лаазыг авна. Тэд ийм тавиландаа эвлэрчихсэн. Өглөө ирэх хогийн машиныг хүлээхдээ өдөр болгон ухдаг хогоо дахин ухна. “Бидэнд хэрэг болчих зүйл гарах болов уу” гэж дахин дахин малтана. Цэцэрлэг, сургуулийн насны 40 гаруй хүүхдүүд тэнд өдрийг өнгөрөөнө. Тэдний нүд мөнгө болох хоёрдогч түүхий эдийг хайна. “Энд тэнд байна уу, хэдэн төгрөг болгочих юмсан” гэсэн бодолд автана. Энэ бол Биогийн хогийн цэг дээрх амьдрал...

Асрамжлах, хайрлах хүнгүй болсон тэднийг орхиж болохгүй

no_email@coo.mn (esui) — Mon, 26 Nov 2012 14:48:00 +0800

НБХГ-ын байгаль хамгаалагч Я.Бямбаатай ярилцлаа.

-Та таван хүүхдийг гэртээ байлгаж, хүмүүжүүлжээ. Гэр оронгүй хүүхдийг авчираад ажилд сургахад хэцүү байх даа?
-Мэдээж. Чөлөөтэй тэнэмэл амьдралаар яваад сурчихсан, баригдмал орчинд дасаагүй, тийм амьдралыг мэдэх ч үгүй учраас бэрхшээл гарна. Ядаж л гэртээ тогтож өгөхгүй, уйдна, зан ааш нь хувирна. Тэгэх бүрт өөрийнх нь эцэг эх шиг хандахыг хичээж, ярилцана даа. Шинэ ирсэн хүүхэд орчиндоо шууд дасахгүй.
-Ер нь тийм хүүхдүүдээс ямар зан чанар илэрдэг вэ?
-Тэд амьдралын мөн чанарыг мэдэхгүй, хүнийг хайрлах сэтгэлгээгүй болчихдог юм шиг санагдсан. Ярьж байгаа үг,унтаж хэвтэх, хувцасаа өмсч байгаа нь их танхай. Орны даавуу хийгээд өгөхөөр эхний өдрөө хувцасаа тайлна. Дараагийн өдрөөс бүхлээрээ унтах жишээтэй. Усанд орох байтугай нүүр гараа ч угаахгүй. “Угааж яах юм бэ, жилд нэг усанд орно” гэж ярин...

[дэлгэрэнгүй]

Сүүлчийн үг

no_email@coo.mn (esui) — Tue, 31 Jul 2012 01:21:00 +0800

Хайраа би ууж байна
Уйлж байна
Өвдөлтөөс биш
Чамайг санаад
Уйлж байна
Хайраа би үхэж байна
Өвчнөөс биш чамайг санаад...
Чамдаа үүрд хайртай
Тэнд очсон хойноо ч
Хайртай хэвээрээ
Чамдаа хайртай /Кунболат/

Атар газар, хүний амины төлөө өөрийгөө өргөлөө

no_email@coo.mn (esui) — Mon, 21 May 2012 15:28:00 +0800

Дорнод аймагт гарсан ой хээрийн түймэр гурван хүний амийг авч одсон. Энэ үеэр галд өртөж түлэгдсэн хоёр албан хаагч Гэмтэл согог судлалын үндэсний төвийн Эрчимт эмчилгээ мэдээгүйжүүлэлтийн төвд хэвтэн эмчлүүлж байсан юм. Гэвч тэдний нэг болох Дорнод аймгийн Онцгой байдлын хэлтсийн ахлах ахлагч Г.Багабиш түлэнхийн өвчний хүндрэлийн улмаас хорвоог орхилоо. Өвчтөнүүдэд шаардлагатай эмчилгээг хийн, Солонгост эмчилгээнд явуулахаар бэлдэж байжээ. Энэ талаар ГССҮТ-ийн эмчилгээ эрхэлсэн дэд захирал Б.Баттөгстэй ярилцлаа.

-Өвчтөний биеийн байдал өчигдөр оройноос эхэлж муудсан гэсэн?

-Бид шаардлагатай бүхий л арга хэмжээг авсан. Өвчтөн Г.Багабиш нь тавдугаар сарын 21-ний өдрийн 9 цаг 4 минутад өнгөрлөө. Тус өвчтөн тавдугаар сарын 9-ний 17 цагт манайд ирж, эмчлэгдэж байсан юм.

-Танай төвд ирэхдээ өвчтөний биеийн ба...

[дэлгэрэнгүй]

Аврагчдын амь нас дээсэн дөрөөн дээр байна

no_email@coo.mn (esui) — Thu, 10 May 2012 15:24:00 +0800

Дорнод аймагт гарсан ой хээрийн түймэр гурван хүний амийг авч одсон. Энэ үеэр галд өртөж түлэгдсэн хоёр албан хаагчийн биеийн байдал өнөөдөр дээсэн дөрөөн дээр дэнжигнэж байна. Тэдний биеийн байдлаас шалтгаалж шаардлагатай эмчилгээг хийж эхэлсэн ч ухаангүй хэвээр байгаа аж. Эдгээр албан хаагчдын ар гэрийнхэн болон эмнэлгийн удирдлагаас аврагчдын биеийн байдлыг тодруулсан юм.

Албан хаагчдын биеийн байдал хүнд байгаа

(Гэмтэл согог судлалын үндэсний төвийн Яаралтай тусламж эрхэлсэн дэд захирал Р.Энхсайхан)

-Түймэрт өртөж, түлэгдсэн албан хаагчдын биеийн байдал ямар байна вэ?

-Тэдний биеийн байдал туйлын хүнд байна. Эрсдэлийн зэргээр үзэхэд, хамгийн хүнд буюу IV зэрэгтэй байгаа. Бид хийх ёстой бүх эмчилгээгээ хийгээд эхэлчихсэн.

-Тэдэнд ямар эмчилгээ хийж байгаа вэ?

-Ирснээс нь хойш бид шингэн сэлбэх, өндөр хүч...

[дэлгэрэнгүй]

Тэргэнцэртэй ч бусдыг манлайлж яваа бүсгүй

no_email@coo.mn (esui) — Tue, 18 Jan 2011 18:43:00 +0800

“Тэргэнцэртэй фермер” холбооны удирдах зөвлөлийн гишүүн М.Раднаадагийтай ярилцлаа. Тэрбээр осолд орж, тэргэнцэр дээр суусан ч зундаа ногоо тарьж, өвөлдөө гар урлалын зүйл хийдэг байна.

-Та хэзээнээс ногоо тарьж эхэлсэн бэ. Тэргэнцэртэй хүн ногоо тарина гэхлээр сонирхолтой санагдаж байна?

-Би хоёр жилийн өмнө “Аифо” ТББ-ын ногооны сургалтад суусан. Тэр үед зургаан тэргэнцэртэй эмэгтэй хамрагдсан юм. Тэгээд л бид бүлэг болж ажиллахаар шийдсэн. Бид ногоо тарихаас гадна, эсгий, савхи, ноос ноолуур, монгол хувцас, шүрээр юм хийдэг. Анх ямар ч ногоо тарих мэдэгдэхүүн байдаггүй байлаа. Мөн дээр нь тэргэнцэртэй хүн ногоо тарина гэж бодоо ч үгүй явлаа. Хүн чинь юмаа сураад, тариад ирэхлээр улам урамшиж, цаашлаад нарийн ногоо, жимсгэний мод тарьдаг болсон. Тэргэнцэртэй хүн ногоо тарьж болдогыг ойлгосон.

-Та хоёр жил ...

[дэлгэрэнгүй]

Саажилттай, оюуны хомсдолтой хүүхдийн асрамжлагч нь ганц бие эмэгтэйчүүд байна

no_email@coo.mn (esui) — Tue, 18 Jan 2011 18:25:00 +0800

Би бэлэг авна, би бэлэг авна гэж ганц хоёр үг хэлэн хаалга манан суух хүүг “даарчихна өрөө рүүгээ ор” гэж сувилагч нь аргадна. Хүү гараа сунгаж, ойр ойрхон алхан, хана түшин цааш явлаа. Цаад талын өрөөнд 20-иод хүүхдийг суулгажээ. Тэдний зарим нь саажилт, хүнд хэлбэрийн оюуны хомсдолтой аж. Тэнд гар нь татаж, нэлээд турсан, эсвэл босож чадахгүй хэвтэрт орсон, зарим нь үе үе орилж, толгойгоо санжигнуулан суух хүүхдүүд бий. Эдгээр хүүхдүүдэд Хүүхдийн Төлөө Газар, МУЗН, “Говь гео” ХХК хамтран бэлэг өгсөн юм. Санта эмгэн бэлгээ өгөхөд, уутыг нь цоолж, цаастай чихэр амруугаа хийнэ. Энэ бол Сэтгэцийн эрүүл мэндийн үндэсний төвийн Хүүхэд өсвөр үеийн тасгийн хүнд хэлбэрийн хөгжлийн бэрхшээлтэй хүүхдүүдийн төрх юм. Тэдний ихэнх нь ээж аавдаа хаягдсанаас болоод энэ төвд асруулж байгаа аж. Энэ талаар тасгийн эрхлэгч Д.Энхтуяатай ярилцлаа.

[дэлгэрэнгүй]

600 тэрбум ам.доллар Монголд хэрхэн нөлөөлөх вэ

no_email@coo.mn (esui) — Wed, 10 Nov 2010 10:33:00 +0800

АНУ 600 тэрбум ам.доллар хэвлэж, Сангийн яамны бонд худалдан авах гэж байна. Энэ нь олон улсын түвшинд эсэргүүцэлтэй тулгарч байгаа ч Сенатын танхим батлах хандлагатай байна. Хэрэв 600 тэрбум ам.долларыг гүйлгээнд гаргавал дэлхийн болон монголын эдийн засагт хэрхэн нөлөөлөх талаар Гавьяат эдийн засагч Н.Дашзэвэгээс тодрууллаа.

-АНУ 600 тэрбум ам.долларыг гүйлгээнд гаргах гэж байна. Энэ нь дэлхийн болон монголын эдийн засагт хэрхэн нөлөөлөх вэ?

-600 тэрбум ам.доллар хэвлэнэ гэдэг нь бөөн луйвар. Гэхдээ цаас хэвлээд бараа авна гэдэг гайхамшигтай бизнес. Үүнээс болж ам.долларын ханш унах нээ. Чамд ам.доллар байвал өөр валют болго. Тэгээд ам.доллараар зээл ав. Ханш унахаар нь зээлээ төл.

-Сайхан бизнес гарч и...

[дэлгэрэнгүй]